Venres. 29.03.2024
Hospital Distrital de Chaves.
Hospital Distrital de Chaves. | FOTO: Xosé Lois Colmenero.

Aínda que os recentes datos convidaban ao optimismo, logo de que a comarca estivera días enteiros sen rexistrar ningún novo positivo, esta fin de semana veñen de incrementarse as cifras rexistradas tanto na vila coma nalgúns dos municipios das comarcas de Monterrei e Conso-Frieiras. Así, segundo vén de saber esta redación, dende o pasado venres ás 15:00 horas ata as 15:00 horas deste luns 7 de decembro, rexistráronse seis novos diagnósticos de coronavirus: catro na vila de Verín, un en Vilaza (Monterrei) e outro na localidade da Gudiña

A rexión do Alto Támega, por enriba dos 1.200 casos activos

Con todo, as cifras que rexistra a comarca de Monterrei son insignificantes se se comparan coas da veciña do Alto Támega lusa. Alí, e segundo informa Sinal TV, son 1.225 casos os que a día de onte permanecían activos, sendo Chaves o municipio que maior número de positivos rexistraba: 837, 149 en Valpaços, 109 en Vila Pouca de Aguiar, 23 en Ribeira de Pena, 30 en Boticas e 77 en Montalegre. 

Repuntan, na fin de semana, os casos de coronavirus na comarca