Portas Abertas abre a inscrición para participar na súa ludoteca de Nadal | NOTICIAS VERÍN

O Centro de Desenvolvemento Rural (CDR) Portas Abertas acaba de abrir o prazo de inscrición para a súa ludoteca de Nadal, unha oferta lúdica e de coidado para que os máis pequenos da casa o pasen en grande mentres os pais e nais poden atender as súas responsabilidades.

A ludoteca é un respiro fundamental para a conciliación da vida familiar e laboral durante o período de vacacións escolares; un recurso que ofrece unha alternativa de coidado e lecer para os nenos e nenas, factor clave para a conciliación da vida familiar e laboral durante as festas.

Prazas limitadas e datas crave

Cun número limitado de dez prazas dispoñibles, que serán adxudicadas por orde rigorosa de inscrición, a LudoNadal desenvolverase en varias xornadas ao longo de decembro e xaneiro en horario de mañá (08:30 a 14:00 horas) no local que o CDR Portas Abertas ten na Avenida Laza de Verín.

En concreto, as actividades da ludoteca de Nadal están programadas para os días 22, 23, 26, 29 e 30 de decembro e os días 2, 5 e 7 de xaneiro. O prazo para formalizar a inscrición remata o vindeiro 12 de decembro. As persoas interesadas deben chamar ao teléfono 988 41 72 32 para reservar a praza.