sábado 23/01/21
Todos son pacientes de mediana idade e, maioritariamente, mulleres

Cinco novos positivos por coronavirus en Verín en 24 horas

O número de casos activos medrou en Verín nas últimas 24 horas en cinco, situándose en 14, segundo informou o Sergas este mediodía. 

Centro de saúde de Verín. | FOTO: Arquivo DdT.
Centro de saúde de Verín. | FOTO: Arquivo DdT.

O Sergas vén de notificar ao Concello de Verín o número de casos activos a día de hoxe ás 15:00 horas. Segundo o rexistro do Servizo Galego de Saúde, son 14 arestora os casos activos no municipio de Verín, cinco máis que os documentados tan só 24 horas antes. A maioría dos novos positivos son mulleres, concretamente, catro, e de mediana idade: 28, 38, 59 e 63 anos. 

Tamén, fontes sanitarias confirman que dende o pasado luns, no centro de saúde de Verín comezaron a realizar os novos test de antíxenos, cunha alta fiabilidade, sobre todo, nos primeiros cinco días da enfermidade en aqueles pacientes que presenten sintomatoloxía. Son substitutivos das coñecidas PCR, é dicir, un enfermo que presuma padecer COVID - 19 será sometido a este test e, no caso de ser positivo, será considerado xa como diagnóstico válido, sen necesidade de obter confirmación por PCR. 

Cinco novos positivos por coronavirus en Verín en 24 horas
comentarios