NOTICIAS VERÍN | Sae ileso tras incendiarse a súa furgoneta en marcha

Unha furgoneta de reparto, pertencente a unha panadería de Vilardevós, ardeu este mediodía en marcha cando se dirixía de volta ao forno situado nesa localidade. O condutor, que saiu ileso e polo seu propio pé, percatouse da presenza de fume e decidiu deter o vehículo. El mesmo alertou aos servizos de emerxencias cando, minutos máis tarde, comezaron as lapas que finalmente deixaron a furgoneta e parte da calzada calcinadas. 

As causas polo momento descoñécense e o vehículo xa foi retirado do lugar do suceso. Ata alí acudiron efectivos da Policía Local e da Garda Civil de Tráfico, así como dous camións de bombeiros do parque de Verín, encargados da extinción do lume.