Gonzalo Caballero reúnese hoxe coa militancia socialista da comarca de Verín

Gonzalo Caballero segue percorrendo Galicia e reuníndose coa militancia socialista para solicitarlles o seu apoio á reelección como secretario xeral do PSdeG. 

A maratoniana xornada de hoxe arrinca en Monterroso (Lugo) ás 13:00 horas. Logo está prevista a reunión ca militancia socialista da comarca de Verín na Casa da Cultura da vila, ás 19:00 horas. Dende alí sairá para a vila pontevedresa de Lalín, onde se xuntará cos compañeiros da formación que dirixe arredor das 21:30 horas, na Casa do Pobo. 

A visita enmárcase na axenda que o actual secretario xeral do PSdeG definiu de cara a revalidar a súa responsabilidade como líder dos socialistas galegos, pola que tamén competirá Valentín González Formoso o vindeiro 30 de outubro.