Pouco antes das catro da tarde de onte, declarouse un lume nas inmediacións da base contraincendios que Medio Rural ten no alto do campo de Os Remedios, en Vilamaior. Segundo os datos da Consellería de Medio Rural, foron 66 as hectáreas que se estima arderon nas pouco más de dúas horas e media que estivo activo o foco. Nas tarefas de extinción participaron 1 técnico, 7 axentes, 12 brigadas, 5 motobombas, 1 pala, 1 hidroavión e ata 8 helicópteros distintos.
O lume asediou Marbán, aínda que sin chegar a ocasionar danos materiais nas dúas vivendas dese núcleo, e acabou dirixíndose ata perto de Queirugás, no termo municipal de Verín. O vento que zoou na mesma dirección complicou as labores dos máis de cen homes que loitaron por controlalo.
Pasadas as 19:30 horas, a Consellería do Medio Rural informaba de que o incendio estaba xa estabilizado, xa non había rastro de lapas e os equipos de extinción traballaban no refresco da superficie queimada. Ás 10:54 horas de hoxe mércores, o departamento autonómico declarouno totalmente extinguido.
