Novos datos do Sergas en canto á incidencia da Covid-19 na comarca. No día de hoxe, estabilízanse os números e rexístranse 9 casos menos que no día de onte. Só nun concello se experimenta un novo positivo. Pertence ao municipio de Cualedro, que pasa de 2 a 3 contaxiados.
Excepto en Castrelo do Val e Laza, que manteñen os datos de onte, con 3 e 4 positivos respectivamente, o resto de municipios rexistran leves baixadas de casos. O caso máis salientable é Oímbra que nesta xornada logra reducir en 3 o seu número de positivos. Arestora hai 102 positivos en toda a comarca e 6 ingresados no hospital comarcal. Os datos quedan do seguinte xeito:
- Verín: 47 (-3)
- Monterrei: 28 (-1)
- Vilardevós: 8 (-2)
- Riós: 7 (-1)
- Laza: 4
- Castrelo do Val: 3
- Cualedro: 3 (+1)
- Oímbra: 2 (-3)
Falecidos por Covid-19
Tal e como adiantou este medio, no día de onte a Consellería de Sanidade notificaba dous novos falecementos por Covid-19 en Galicia. Un deles, unha muller de 92 anos no Hospital de Verín. Segundo puido saber Diario do Támega, era usuaria da residencia Val de Monterrei de Albarellos. A falecida presentaba patoloxías previas a ser diagnosticada coa enfermidade.
