Xoves. 28.03.2024
Hospital comarcal de Verín. | FOTO: Xosé Lois Colmenero.
Este luns, as portas do hospital de Verín volverán a estar arroupadas por centos de manifestantes en apoio ao doutor Castrillo. | FOTO: Xosé Lois Colmenero.

A asociación de empresarios e empresarias do concello de Verín, Aever, vén de facer público que os seus asociados participarán -ao igual que boa parte do resto do tecido comercial e industrial da vila non pertencente ao seu colectivo- nun paro de dez minutos diante das portas dos seus establecementos en apoio ao doutor Castrillo Gutiérrez e coincidindo coa concentración que terá lugar no hospital comarcal convocada pola Plataforma en Defensa da Sanidade Pública da Comarca de Monterrei. Entre as 11:00 e as 11:10 horas, os propietarios sairán ás rúas e, ás portas dos seus establecementos, participarán na protesta. 

José Ángel Rodicio, xerente de Aever, afirmou que "o apoio que o doutor Castrillo prestou á causa do peche do paridoiro foi fundamental para que se revertise esa decisión da Xunta de Galicia e agora merece todo o noso respaldo porque a súa integridade persoal e profesional está fóra de toda dúbida", dixo. 

Os comercios de Verín baixarán as súas persianas para apoiar ao doutor Castrillo este luns