O Concello de Verín rectifica e suspende a cabalgata de reis estática polo aumento de casos da covid
A pesar da supresión do evento os nenos e nenas da localidade recibirán os agasallos que xa estaban preparados
Tralo aumento ata 92 casos activos por Covid-19, o Concello de Verín decidiu cancelar a cabalgata estática de Reis prevista para este martes 5 de xaneiro. Con esta medida preténdese evitar aglomeracións que poidan poñer en risco a saúde pública e que eleven aínda máis o número de contaxiados.
A pesar de que o evento contaba cun estrito protocolo de seguridade, adaptado ás medidas sanitarias vixentes, decidiuse cancelar todo acto para evitar poñer en risco a pequenos e maiores. Sen embargo, os nenos e nenas da localidade recibirán os agasallos que xa estaban preparados.
Dende o Concello sinalan que ''facemos un chamamento aos veciños e veciñas para que actúen con responsabilidade individual xa que a situación que se vive o Verín é moi delicada''.
Facemos un chamamento aos veciños e veciñas para que actúen con responsabilidade individual xa que a situación que se vive o Verín é moi delicada (Concello de Verín)