Pouco despois das 12:00 horas deuse aviso á Garda Civil da aparición dun corpo no interior dunha furgoneta
Achado morto un home de 46 anos no estacionamento exterior de Rosalía de Castro, en Verín
17 de mayo de 2020 (17:26 h.)
Será a autopsia a que determine as causas reais do falecemento dun home de 46 anos que este mediodía foi atopado sen vida no estacionamento exterior da rúa Rosalía de Castro, en Verín.
Pouco despois das doce do mediodía, localizábase, no interior dunha furgoneta estacionada no parking exterior fronte ao supermecado Mercadona de Verín, na rúa Rosalía de Castro, o corpo sen vida dun home de 46 anos. Foron os achegados e familiares os que localizaron ao home sen vida e inmediatamente os veciños do lugar deron parte á Garda Civil, que enviou varias patrullas ó estacionamento. Ata alí tamén se desprazaron unha dotación da Policía Local e efectivos de emerxencias, que só puideron certificar a morte do varón.
Pouco despois da unha do mediodía chegaba a xuíza para o levantamento do cadáver de M. J. S., que tiña lugar cara as dúas da tarde entre mostras de dor dos familiares que ata alí se desprazaran.
A Garda Civil de Verín investiga as causas do falecemento e será a autopsia que se lle ía practicar no Tanatorio La Paz a que determine as definitivas razóns do seu finamento.
Pouco despois da unha do mediodía chegaba a xuíza para o levantamento do cadáver de M. J. S., que tiña lugar cara as dúas da tarde entre mostras de dor dos familiares que ata alí se desprazaran.
A Garda Civil de Verín investiga as causas do falecemento e será a autopsia que se lle ía practicar no Tanatorio La Paz a que determine as definitivas razóns do seu finamento.