O de Verín, o mellor Entroido de Galicia
20 de diciembre de 2019 (12:45 h.)
Entroideiras e entroideiros, o concurso de Gadis para coñecer cal era o mellor Entroido de Galicia xa ten gañador: o Entroido de Verín!
Aínda que nós xa o sabiamos, xa é oficial, o de Verín é o mellor Entroido de Galicia. 30.000 euros é o premio que nos dá Gadis, e isto permitirá que poidamos facer un Entroido aínda máis grande.
Feitas as comprobacións ante notario, o Entroido de Verín acabou sendo o gañador do concurso de Gadis, en contra do que se podía pensar porque a páxina web estaba facilitando uns datos distintos. Tras ditas comprobacións, o mellor Entroido de Galicia é o noso, o de Verín.
En segundo e terceiro lugar quedaron os municipios de Foz e Xinzo de Limia, que recibirán 5.000 euros cada un.