luns 12/04/21
150 verinenses recibiron este sábado a primera dose desta vacina

Sanidad suspende a vacinación con AstraZeneca

Dose da vacina AstraZeneca. | Foto: Julian Stratenschulte/dpa.
Dose da vacina AstraZeneca. | Foto: Julian Stratenschulte/dpa.

Esta mañá, tras manter unha reunión, A Axencia do Medicamento (EMA) votou a favor de suspender os suministros da vacina AstraZeneca, xa que se detectaron diversos incidentes relacionados con tromboses e tromboembolismos, especialmente entre as mulleres.

A Ministra de Sanidade, Carolina Darias, tras recibir estes datos e estudar o informe proporcionado pola entidade, decidiu convocar de urxencia ó Consello Interterritorial do Sistema Nacional da Saúde (CISNS), para tomar unha decisión grupal ó respecto.

Neste pleno, no que ademais de Darias e do CISNS tamén participaron os conselleiros de Sanidade das diferentes comunidades autónomas, acordouse a anulación da administración desta vacina durante un período de 15 días.

Con esta decisión, España únese a outros países que xa adoptaron esta medida, como Francia, Italia e Alemaña; aínda que a Axencia Europea do Medicamento segue aconsellando o seu uso, dado que o cómputo entre o beneficio e o risco segue a ser favorable.

Isto vai supor un gran atraso no plan de vacinación, que tiña como obxectivo inmunizar ó 70% da poboación, incluída a europea, antes de que acabase o verán. De todos modos, no noso país xa se tomou a precaución de non administrarlla ós maiores de 55 anos, xa que se reparou que estes non estiveran representados proporcionalmente nos ensaios clínicos

Esta vacina xa se lle aplicou a unha parte de certos gremios como docentes, profesionais sanitarios ou forzas de seguridade do estado, así como ás persoas de entre 50 e 55 anos. Neste último grupo entran os 150 verinenses que foron inmunizados no hospital da vila o sábado pasado, e que poderían quedarse sen a segunda dose. Na mesma situación están tamén os máis de 900.000 españois inoculados ata o momento. 

Veciños de Verín esperando para ser vacinados no hospital da vila. | FOTO: Xosé Lois Colmenero. 

Fronte a este problema, o comité de seguridade do EMA alegou que mañá, martes, analizaría a fondo a información e que convocaría unha reunión de urxencia para este xoves 18 de marzo, coa finalidade de analizar a información recopilada así como para levar a cabo calquera acción que sexa necesaria. 

Esta mesma entidade, emitiu o venres anterior un comunicado no que advertía destes efectos secundarios despois de reexaminar 41 informes de casos de posible anafilaxia que podían estar relacionados con case 5 millóns de vacinas que se administraron no Reino Unido, aínda que esta secuela se dá moi raramente e vén indicada na información do producto. 

A maiores disto, o Comité para a Avaliación de Riscos en Farmacovixilancia xa engadiu fai uns días as alerxias graves ó listado de efectos das doses fabricadas por AstraZeneca. Polo tanto, as fontes sanitarias decidiron finalmente primar a saúde dos cidadáns

Sanidad suspende a vacinación con AstraZeneca
comentarios