venres 14/05/21
Isabel Alonso foi a primeira muller en inscribirse na D.O. Monterrei

Unha veciña de Oímbra, protagonista do novo capítulo de 'Arrieiros Somos', de Rubén Riós

Isabel Alonso, protagonista do novo capítulo de "Arrieiros Somos".

Isabel Alonso, veciña de Oímbra, converteuse na protagonista do novo capítulo da serie-documental do actor e director Rubén Riós, 'Arrieiros Somos'. O cineasta plasmou nesta nova entrega a vida desta muller traballadora da vide que se converteu na primeira en inscribirse na Denominación de Orixe Monterrei. Con ela, percorrerá varios puntos de Oímbra nos que se amosan a riqueza e a historia vitivinícolas da zona, existentes dende hai moitos séculos atrás.

Unha aposta polo maior

O proxecto audiovisual aposta pola sabiduría e experiencia de xeracións anteriores, dándolles voz a todas esas persoas que, segundo o director, "pola velocidade que vivimos no día a día, non escoitamos tanto e que nesta pandemia se converteron nun dos colectivos máis golpeados". E nesta ocasión, esta voz pertence a Isabel Alonso, que representa o papel tan importante que xogaban as mulleres na súa época aínda que cunha labor oculta.

Xa o fixo así, cando foi imaxe dun dos murais do artista coruñés Joseba YMP, no que retrata á auténtica muller galega, e que aínda hoxe se pode contemplar nunha das rúas máis céntricas de Verín.

O capítulo vai ser emitido pola canle de YouTube "Orgullo galego", este venres 23 de abril ás 21:00 horas.

Yoseba MP está a punto de terminar el mural de la "superabuela" Isabel Alonso. | FOTO: Xosé Lois Colmenero.Yoseba YMP, no alto do guindastre, cando estaba a piques de rematar o mural da superavóa Isabel Alonso. | FOTO: Xosé Lois Colmenero. 

Unha veciña de Oímbra, protagonista do novo capítulo de 'Arrieiros Somos', de Rubén Riós
comentarios