Luns 17.06.2019
María Paulos Valles abríu as portas da súa casa á vila na que naceu un 6 de xuño de 1919

Oímbra festexa a centuria da súa estanqueira

Familia, amigos, veciños e ata a alcaldesa do municipio, Ana María Villarino Pardo, non quixeron perder a festa que a "estanqueira de Oímbra" deu este sábado, co gallo dos seus primeiros 100 anos de vida no lugar.

María Paulos recibe o agasallo da alcaldesa de Oímbra, Ana María Villarino Pardo, diante dun almanaque.
María Paulos recibe o agasallo da alcaldesa de Oímbra, Ana María Villarino Pardo, diante dun almanaque.

Un moi particular aniversario se festexou na tarde do sábado en Oímbra. María Paulos Valles, a muller do bar e o estanco de toda a vida na localidade, chegaba aos cen anos de existencia o pasado día seis, aínda que a súa familia quixo retrasar a celebración popular ata o sábado, co ánimo de convidar tamén aos veciños a un pequeno ágape. Á celebración acudíu a súa conveciña e alcaldesa Ana María Villlarino Pardo, quen aproveitou a ocasión para entregarlle un pequeno presente do Concello que preside. María Paulos Valles, natural de Oímbra, veu ao mundo en xuño de 1919, adicouse por completo á súa familia -dous homes, enviuvou do primeiro, e aos seus tres fillos-, pero tamén ao negocio familiar, o bar-estanco da localidade. Conserva unha  boa saúde, e a súa alcaldesa di dela que "ten aínda unha cabeza privilexiada". 

Oímbra festexa a centuria da súa estanqueira
comentarios