martes 17.09.2019
se o participante opta por xantar logo da proba deportiva, o custe da inscrición será de 15 euros

A décimo primeira edición da marcha BTT de Monterrei deste domingo terá dous percorridos, de 62 e 42 kilómetros

O Pazo Provincial acolleu esta mañá a presentación da décimo primeira edición da marcha BTT de Monterrei, que tamén transitará por terras dos veciños municipios de Oímbra, Verín, e algún de Portugal. Haberá un par de rutas, de 62 e 42 kilómetros. Poderase xantar ao rematar se se pagan os 15 euros fixados pola organización. 
Presentación da XI Marcha BTT no Concello de Monterrei. Asistiron Rosendo Fernández (vicepresidente da Deputación), José Luis Suárez (alcalde de Monterrei), Diego Matías (coordinador da proba, á esquerda) e Kiko Calviño (presidente do clube BTT Verín, á dereita).
Presentación da XI Marcha BTT no Concello de Monterrei. Asistiron Rosendo Fernández (vicepresidente da Deputación), José Luis Suárez (alcalde de Monterrei), Diego Matías (coordinador da proba, á esquerda) e Kiko Calviño (presidente do clube BTT Verín, á dereita).

Os máis avezados ao ciclismo de montaña teñen este domingo un motivo para saír das súas casas a dar pedal, e incluso volver a elas xantados. O Concello de Monterrei, en colaboración coa Deputación de Ourense e o clube BTT de Verín, organizan a décimo primeira edición da súa marcha por terras non só de Monterrei, senón tamén de Oímbra, Verín e mesmo Portugal

A XI Marcha BTT de Monterrei ofrecerá aos participantes dous posibles percorridos de 62 e 42 quilómetros, de dificultade media-alta e de dificultade media, respectivamente. A presentación desta proba deportiva tivo lugar hoxe no Pazo Provincial, acto no que participou o vicepresidente da Deputación de Ourense, Rosendo Fernández; o alcalde de Monterrei, José Luis Suárez; o coordinador da proba, Diego Matías; e o presidente do Club BTT de Verín, Kiko Calviño.

A proba, que comezará ás 9,30 horas, discorre por pistas veciñais e camiños rurais de diferentes localidades do municipio. “Ambas rutas solápanse durante unha parte do percorrido que pasa tamén polos municipios de Oímbra, Verín e Portugal”, sinalou Diego Matías, quen explicou que as probas están deseñados para “poñer en valor os recursos culturais e naturais do concello e da comarca”. Os interesados en participar poden anotarse en sportmaniacs. Os prezos da inscrición son de 15 euros para as rutas longas e curtas con xantar incluído, e 12 euros para os acompañantes. No caso de que non se opte polo xantar, só se deberá aboar a cantidade de 5 euros para as rutas longa e curta.

A Deputación de Ourense colabora con este evento deportivo que pretende “fomentar o deporte da bicicleta, dar a coñecer os recursos naturais e a importancia da súa conservación, dinamizar a comarca e concienciar á xente dos beneficios que ten o deporte para a saúde”, dixo Rosendo Fernández.

AMPLO E ATRACTIVO PROGRAMA CULTURAL E DEPORTIVO

Pola súa parte, o alcalde de Monterrei, José Luis Suárez, agradeceu á Deputación de Ourense a súa “colaboración permanente” para poder desenvolver actividades lúdico-deportivas e animou á xente a visitar o municipio de Monterrei que nesta fin de semana “ofrece un amplo e atractivo programa cultural e deportivo, co concerto de Luar na Lubre, o venres; as visitas teatralizadas no castelo, o sábado; e con esta marcha BTT, o domingo”.

A décimo primeira edición da marcha BTT de Monterrei deste domingo terá dous...
comentarios