26 de agosto de 2021, 21:52
Pese a treboada que afecta á comarca de Monterrei, foi declarado ás 19:20h desta tarde un novo incendio na localidade da Xironda, en Cualedro, que nestes momentos xa se atopa estabilizado.
Os medios de extinción, coa complicidade da auga traída polas tormentas, conseguiron controlalo en algo menos dunha hora. Foron mobilizados para a extinción un axente, dúas autobombas e dous helicópteros. Tamén foi requerida a brigada helitransportada de Laza que aportou 18 efectivos e dous apoios por medios aéreos, aínda que finalmente non foi necesaria a súa intervención.
