Ferido leve o condutor dun tráiler que colidiu con outro avariado na A-52, á altura de Cualedro
O suceso tivo lugar na madrugada deste martes, 25 de agosto, na estrada A-52 (Benavente-Porriño), ó seu paso por Cualedro (Ourense).
Un dos vehículos atopábase detido no arcén mentres que o outro circulaba pola autovía -á altura do km 169,800- cando se produciu a colisión.
Segundo fontes do 112, o accidente tivo lugar cara as 05:40 horas da madrugada deste martes, 25 de agosto. A colisión produciuse no km 169,800 da autovía A-52 (Benavente-Porriño) -sentido Porriño- á altura das Estivadas, no término municipal de Cualedro (Ourense).
Según fontes da investigación, un tráiler circulaba pola estrada cando impactou contra outro que se atopaba detido no arcén por unha avería do motor; só o primeiro condutor resultou ferido leve e foi trasladado ó Hospital de Verín.
O tráfico non se viu afectado porque, a pesar de que o accidente foi especialmente aparatoso, trátase dun tramo con tres carriles.