Domingo 16.06.2019
300 alumnos do María Inmaculada, Amaro Refojo e Princesa de España percorreron as rúas da vila e as estradas da contorna

Unha marcha ciclista clausurou as primeiras Xornadas de Educación Vial de Verín

Arredor de trescentos alumnos do CPR María Inmaculada e dos CEIP Amaro Refojo e Princesa de España pecharon, cun percorrido ciclista, a primeira edición das Xornadas de Educación Vial organizadas en Verín polo clube BTT.

Os alumnos das tres escolas, preparados para saír ás rúas nesa primeira marcha ciclista das Xornadas de Educación Vial. | FOTO: MANU SAN MARTINO
Os alumnos das tres escolas, preparados para saír ás rúas nesa primeira marcha ciclista das Xornadas de Educación Vial. | FOTO: MANU SAN MARTINO

Este mércores, dende as once da mañá, máis de trescentos alumnos de 5º. e 6º. de educación primaria pertencentes aos colexios María Inmaculada, Princesa de España e Amaro Refojo participaron na última actividade programada no marco das primeiras Xornadas de Educación Vial de Verín. No percorrido do roteiro, os cativos estiveron en todo momento acompañados por axentes da Policía Local de Verín, membros da Garda Civil de Tráfico e por integrantes da Agrupación de Voluntarios de Protección Civil do Concello de Verín.

Seguridad Vial120619-5

Non quixo perderse a saída oficial do ruta a coordinadora de Educación Vial da Dirección Xeral de Tráfico en Ourense, Sinda Aguiar, moi activa durante todas estas xornadas. O Concello de Verín enviou na súa representación á máxima autoridade en materia de Tráfico, Seguridade Cidadá e Protección Civil, a edila Cándida Couñago.

Seguridad Vial120619-3

Estas primeiras xornadas, que incluiron na súa programación talleres e charlas temáticas; un circuíto de educación viaria, coa presenza de vehículos oficiais das forzas de seguridade, bombeiros e Cruz Vermella; e unha ruta ciclista, foron organizadas polo Club BTT Verín, en colaboración do Concello de Verín, a Dirección Xeral de Tráfico ( DXT), a Garda Civil de Tráfico, a Agrupación de Voluntarios de Protección Civil de Verín, Cruz Vermella, Bombeiros, Bicicletas Matías e Bicicletas Chinquena.

Seguridad Vial120619-15

Unha marcha ciclista clausurou as primeiras Xornadas de Educación Vial de Verín
comentarios