mércores 11.12.2019
O OURENSÁN JOSÉ GONZÁLEZ PARTICIPARÁ NO ACTO DE APERTURA DO CERTAME VITIVINÍCOLA

O conselleiro de Medio Rural estará na inauguración desta tarde da XIV edición da Feira do Viño de Monterrei

Rubén Riós é este ano o pregoeiro da festa. Logo do acto de inauguración, quenda para o nomeamento de confrades e a música de El Consorcio
Programa de actos, dende hoxe venres e ata o vindeiro domingo 11 de agosto.
Programa de actos, dende hoxe venres e ata o vindeiro domingo 11 de agosto.

A Xunta de Galicia vén de confirmar a presenza do seu conselleiro de Medio Rural, o ourensán José González Vázquez, nos actos de inauguración dunha nova edición da Feira dos Viños de Monterrei que hoxe venres, a partires das oito, dará comezo. 

Este ano, o pregoeiro será o actor e director da comarca, Rubén Riós, que exercerá a súa encomenda na praza da Alameda de Verín. Ao remate, e despois dos discursos institucionais, nos que se agarda que o conselleiro se dirixa ao público e expositores, a representación política percorrerá as diferentes casetas das adegas participantes espalladas no lugar, antes de dirixirse cara a Igrexa Parroquial de Verín onde, como novidade este ano, terá lugar o acto de nomeamento de confrades da Confraría de Viños de Monterrei

Os diferentes postos da feira pecharán, este venres, ás 23 horas, para deixar paso ao concerto de "El Consorcio", na praza García Barbón da vila

O conselleiro de Medio Rural estará na inauguración desta tarde da XIV edición da Feira...
comentarios