venres 14/05/21
Anovaranse as redes de abastecemento e saneamento da localidade

Xunta e Concello da Gudiña investirán 130.000 euros en mellorar servizos no Tameirón

A GUDIÑA-Tameirón
Entrada á poboación do Tameirón, no concello da Gudiña.

A Consellería de Medio Ambiente, Territorio e Vivenda licita por un importe de case 130.000 euros as obras de humanización no espazo público do Tameirón, no municipio da Gudiña.

Trátase dunha actuación que se executará no marco dun convenio de colaboración entre a Xunta e Concello, e cuxo prazo de execución máximo será de tres meses.

Con esta actuación quérense mellorar as infraestruturas básicas deste núcleo, para ampliar e mellorar as redes de abastecemento e saneamento. Os traballos continuarán coa humanización e mellora da totalidade do seu espazo público.

A execución desta obra cumpre con obxectivos do Plan Hurbe, un programa impulsado pola  Xunta no ano 2010 para colaborar economicamente coas entidades locais, que en ocasións non teñen a capacidade económica suficiente que require a execución deste tipo de actuacións. Asemade, estas intervencións e proxectos teñen o obxectivo común de crear, mellorar ou humanizar infraestruturas de uso público e colectivo.

Xunta e Concello da Gudiña investirán 130.000 euros en mellorar servizos no Tameirón
comentarios