GALERÍA | Devoción, ofrendas e chuvia no día da Virxe dos Remedios

O Santuario dos Remedios, en Vilamaior, no día grande da Virxe. | FOTOS: M. D.
A Policía Local velaba pola seguridade e polo cumprimento das medidas sanitarias.
Primeiro tivo lugar a misa solemne para máis tarde celebrar a procesión.
A Coral de Verín amenizou a velada.
Moitas persoas tiveron que quedar fóra porque a igrexa tiña o aforo completo.
Non quixo faltar o alcalde do concello de Verín, Gerardo Seoane.
Devotos escoitando a misa dende o exterior a través dos altavoces.
Parecía que a chuvia dera unha tregua pero na metade da misa, houbo que sacar de novo os paraugas.
Toda a familia ía preparada para a chuvia.
A procesión da Virxe ao remate da misa.
Toda a procesión estivo acompañada dos cánticos do arcipreste de Verín, don Óscar Martínez.
Dentro do recinto, podíase desfrutar dunhas boas tapas de polbo ou carne.
Redacción
08 de septiembre de 2021 (13:57 h.)
Como cada 8 de setembro, o concello de Verín celebra o día da Virxe dos Remedios que concentra, no seu Santuario de Vilamaior, a centos de devotos que lle renden homenaxe na misa solemne e na procesión. Nin a chuvia desta mañá nin a pandemia lograron impedir que os fieis se achegasen a celebrar esta xornada, á que tamén acudiu o alcalde do municipio, Gerardo Seoane.

Etiquetas
Verín Vilamaior Santuario dos Remedios Virxe dos Remedios