FOTOGALERÍA | Brincos e sorrisos da cativada nos inchables de Ludonadal

Así de ben o pasan as meniñas e meniños que, nestes días navideños, participan no servizo Ludonadal organizado polo Concello de Verín co obxecto de facilitar a conciliación e proporcionar un espazo de lecer para a cativada durante as vacacións. As xornadas dos inchables sempre son unha garantía de diversión.

Pero non acaba aí Ludonadal. Mañá, día de Fin de Ano terán a súa propia celebración coa festa prenoitevella e o gran cotillón infantil co Ratiño Pérez; dende as 10 horas, coa disco móbil A Gramola, animación, inchables, baile e photocall.  Pouco despois, ás 12h. será o momento das badaladas infantís para despedir o 2022.

O servizo Ludonadal seguirá ofrecendo actividades ata o vindeiro 5 de xaneiro. Inda quedan moitos xogos por diante; ademáis da xincana San Silvestre ou escribir e decorar as cartas que se van enviar ós Reis Magos ou a chegada da paxe real para recoller as cartas para entregar ás súas maxestades. 

Pavillón Municipal de Deportes. Luns a venres, de 9:00 a 14:00h, e de 16:00 a 20:00horas. Sábados de 10:00 a 14:00h.