FOTOGALERÍA | 11 de xuño: Festa de fin do curso do Clube Ximnasia Rítmica de Verín

O Clube Deportivo de Ximnasia Rítmica de Verín medra día a día e nós quixémolo comprobar in situ. Asistimos este pasado mércores a un dos adestramentos dos grupos, divididos por idades, deste clube que introduciu na oferta deportiva da vila esta disciplina. O vindeiro 11 de xuño celebran a fin deste curso no pavillón da Granxa, onde ensaian as traballadas coreografías, cunha exhibición do progreso tanto das ximnastas maiores coma das pequenas. Invitan a todo aquel que estea interesado neste deporte a asistir, nós non perderemos a oportunidade!