FOTOGALERÍA | Nova Era comparte unha lúdica e musical xornada cos cativos e maiores de Verín

Como parte da programación das III Xornadas de Música Tradicional da Banda de Gaitas Nova Era, os seus integrantes visitaron este venres a Ludoteca e o Centro de Día Solleira do Concello de Verín.

Pola mañá, mediante xogos interactivos, ensinaronlle á cativada os seus instrumentos e como bailar unha muiñeira, ademais ofreceron un pequeno concerto tocando algunha que outra peza. 

Xa pola tarde, no centro de día, adicáronlle unha actuación ós máis maiores, que se animaron a botar uns bailes entre eles e coas súas coidadoras.