FOTOGALERÍA | Cativos do Amaro Refojo peitean O Olivar na procura de lixo
30 de abril de 2022 (12:08 h.)
Uns trinta cativos de sexto de Infantil do CEIP Amaro Refojo de Verín botáronse este venres á rúa e ao río. Saíron, nunha mañá espléndida, á procura de lixo á beira do cauce do Támega, no barrio do Olivar.
Contaron coa sempre inestimable colaboración dos voluntarios da Agrupación de Protección Civil da vila. Mesmo o seu responsable non dubidou en meterse na auga para axudar á cativada a retirar residuos.
Volveron ás aulas "moi satisfeitos, contentos e concienciados de que hai que coidar, e moito, á natureza", recoñeceron dende o centro educativo.