FOTOGALERÍA | Os nenos do CEIP Vicente Risco de Cualedro desfilaron "con escolta"

Os cativos do Vicente Risco de Cualedro saíron esta mañá ás rúas da localidade, no primeiro dos seus desfiles tras anos participando conxuntamente no de Xinzo, que por mor da pandemia esta edición non se celebrou. 

Mestres e cativada estiveron en todo momento escoltados polas figuras máis representativas do entroido local, Madamas e Galáns de Carzoá, Mázcaras da Xironda e os Zarramoncalleiros da propia capitalidade municipal. 

A música foi, como non podía ser doutro xeito, da man da agrupación de gaitas do concello cualedrés. 

No seu percorrido non quedou recuncho que non visitasen, e até se achegaron tamén á residencia de maiores do municipio.