Xoves. 28.03.2024
Cativada

Maiores e cativada compartiron xogos, conversa e almorzo no Centro de Día "Raiola"

O Centro de Día de Verín, Raiola, organizou hoxe un convivio interxeneracional coa colaboración da ludoteca de Verín. A cativada, de entre 5 e 6 anos, pasou preto de dúas horas cos maiores do centro, compartindo xogos, conversa e actividades. 

Coa axuda do persoal do centro e dos monitores que acompañaban aos nenos e nenas, este novidoso programa interxeneracional aspira a converterse en habitual. Foron moitos os sorrisos de complicidade e axuda mútua entre pequenos e maiores mentres trataban de fabricar bonecos con globos, fariña, arroz e la. Sorrisos que se incrementaron cando, conxuntamente, comezaron a xogar co paracaídas de cores, xusto despois de teren compartido zumes e galletas como aperitivo de media mañá. 

Algunhas investigacións, segundo afirma o psicólogo especializado en envellecemento, Francisco Moreno, teñen mostrado que o incremento na actividade física, cognitiva e social que se obtén a partir dos programas interxeracionais pode axudar a mellorar a saúde para a poboación que envellece e mellorar a aprendizaxe nos máis novos. Outras investigacións indican que a participación en interaccións interxeracionais posibilita experiencias pracenteiras para as persoas maiores e mellora a súa autoimaxe e identidade, ao incrementar o seu sentimento de ser útiles para os demais.

Dende Raiola afirman que seguirán incentivando este tipo de convivios interxeneracionais, así como incrementando o seu programa de actividades de recuperación dos vellos oficios tradicionais da zona –fabricación de queixo, liño, xabón...–.

UNADJUSTEDNONRAW_thumb_78c
1 / 19

Segundo o psicólogo especializado en envellecemento, Francisco Moreno, os programas interxeracionais axudan a mellorar a saúde para a poboación que envellece.

UNADJUSTEDNONRAW_thumb_791
2 / 19

Pequenos e maiores compartiron sorrisos e xogos.

UNADJUSTEDNONRAW_thumb_794
3 / 19

Os monitores da ludoteca de Verín e o persoal de Raiola acompañaron as actividades.

UNADJUSTEDNONRAW_thumb_797
4 / 19

Construíron xuntos un boneco con fariña, globos, arroz e la.

UNADJUSTEDNONRAW_thumb_79a
5 / 19

A cativada, de entre 5 e 6 anos, pasou preto de dúas horas cos maiores do centro.

UNADJUSTEDNONRAW_thumb_79b
6 / 19

Unha das nenas escoita a un usuario de Raiola mentres constrúen un boneco.

UNADJUSTEDNONRAW_thumb_79f
7 / 19

Ademáis de xogaren xuntos, tamén compartiron almorzo.

UNADJUSTEDNONRAW_thumb_7a8
8 / 19

Os maiores tiveron hoxe unha actividade diferente no centro.

UNADJUSTEDNONRAW_thumb_7a9
9 / 19

Miradas de complicidade e conversas interxeneracionais.

UNADJUSTEDNONRAW_thumb_7ad
10 / 19

O persoal do centro e da ludoteca quere seguir apostando por estas actividades.

UNADJUSTEDNONRAW_thumb_7ae
11 / 19

Foron moitos os sorrisos de complicidade e axuda mútua entre pequenos e maiores.

UNADJUSTEDNONRAW_thumb_7b1
12 / 19

A diferenza xeneracional non dificultou a diversión conxunta.

UNADJUSTEDNONRAW_thumb_7b4
13 / 19

O tempo pasou voando hoxe en Raiola.

UNADJUSTEDNONRAW_thumb_7b9
14 / 19

Unha usuaria axuda a un dos cativos a empregar a la no seu boneco.

UNADJUSTEDNONRAW_thumb_7c3
15 / 19

Nenos e maiores xogando co paracaídas.

UNADJUSTEDNONRAW_thumb_7c5
16 / 19

As caras de felicidade eran evidentes.

UNADJUSTEDNONRAW_thumb_7c6
17 / 19

O momento de xogar co paracaídas foi o máis agardado polos cativos.

UNADJUSTEDNONRAW_thumb_7c8
18 / 19

O encontro supuxo unha experiencia de aprendizaxe mútua.

UNADJUSTEDNONRAW_thumb_7ce
19 / 19

Realizaranse máis xornadas coma esta no futuro.

Comentarios
Maiores e cativada compartiron xogos, conversa e almorzo no Centro de Día "Raiola"