GALERÍA | A cativada da Mezquita visita as escavacións no Castro do Castelo de Santigoso

Uns vinte rapaces do Concello da Mezquita, ou que residindo fóra del teñen raíces no municipio, todos eles inscritos no campamento de verán que organiza a institución que preside Rafael Pérez; participaron este xoves nunha singular e instrutiva actividade: a visita ás escavacións que se realizan para a posta en valor do Castro do Castelo de Santiagoso.

Durante un par de horas e trasladados en todoterreos municipais, achegáronse un chisco á cultura e historia do concello, mentres os máis cativos quedaban disfrutando da oferta que lles ofrece o parque multiaventuras da Mezquita. 

Estiveron, en todo momento, acompañados polo alcalde, o nacionalista Rafael Pérez.